Музей қызметкерлері 2024 жылдың маусым айының 21 - і күні «Қазақстанның киелі жерлерінің географиясы» атты арнайы жобаны басшылыққа ала отырып, Қостанай облысы, Амангелді ауданының киелі жерлерінің картасына енген 1916 жылғы Торғайдағы Ұлт - азаттық көтерілістің батыры, атақты қолмерген. Кейкі (Нұрмағамбет) Көкембайұлының Тасты ауылындағы кесенесіне «Ер Кейкі - Елдің есінде» атты тақырыптық экскурсия ұйымдастырды. Іс - шараға Қостанай қаласынан арнайы экспедициямен келген Қостанай облыстық тарихи - өлкетану музейінің қызметкерлері және Тасты ауылы тұрғындары қатысып, музей әдіскері Ж.Досбергенов Кейкі батырдың өмір жолы және Кесененің салыну тарихы жөнінде тақырыптық экскурсия жүргізді.