2024 жылдың 04.12 күні Арқалық қаласындағы Ы.Алтынсарин атындағы педагогикалық институтында ЖОО оқытушылары, студенттері, музей қызметкерлері, тарихшы мамандар және БАҚ өкілдерінің қатысуымен «Торғай геоглифтерін салушылардың ізімен» тақырыбында әдістемелік семинар өтті. Облыстық маңызы бар семинарда Торғай геоглифтерін зерттеуші бірқатар ғалымдар, ЖОО оқытушылары «Торғай геоглифтері» жөнінде баяндамалар оқып, геоглифтердің өскелең ұрпаққа насихаталуы туралы өз ойларын ортаға салды. Аталған іс-шараға «А.Иманов атындағы Амангелді мемориалдық мұражайы» КММ-сінің басшысы К.Ж.Абжанова қатысып, Амангелді ауданы аумағындағы геоглифтердің тарихы және туристік маршруты жөнінде айтып, алдағы жылдары туристердің көп келетін орынға айналуы үшін көп жұмыстар жасалу керектігі екендігін тілге тиек етті.