15 қараша Ұлттық валюта - теңге күніне орай А.Иманов атындағы Амангелді мемориалдық музейінде «Тұғыры биік төл теңге» тақырыбында көрме құрылған болатын. Аталған көрмеде теңгенің шығу тарихы, теңге туралы қызықты фактілер, қолданысқа берілген және айналымда жүрген төл теңгелеріміздің көшірмелері қойылды.Сонымен қатар, 1993 жылы теңге қолданысқа беруге еңбегі сіңген еліміздің қайраткерлері туралы фото - суреттер мен деректер көрмеде көрсетіліп, таныстырылды. Іс - шараға Б.Қолдасбаев атындағы жалпы білім беретін мектебінің «Батыр» спорт туризм үйірмесінің оқушыларымен бірге жетекшісі Тұрғанов Исламбек қатысты. Көрмені таныстырушы: музейдің экскурсия жетекшісі Қарлығаш Әлібек.